Кыргыз Республикасынын Өкмөтүнө караштуу Мамлекеттик каттоо кызматы жарандардын ыңгайлуулугун  камсыз кылуу жана кызмат көрсөтүүлөрдүн натыйжалуулугун жогорулатуу максатында электрондук кызмат  порталынын ( e.srs.kg ) негизинде Android иштетүү системасында  иштеген мобилдик аппараттар  үчүн мобилдик колдонмону  иштеп чыкты.

Бул колдонмо смартфон колдонуучулары   үчүн акысыз, бар болгону PlayMarket  тиркемесинен  « МКК Электрондук кызматы»  колдонмосун жүктөп алуу жетиштүү. Кийинки кадам,  каттоодон  өтүү,  андан соң кызмат  алуу үчүн электрондук арыз , же МКК көрсөткөн  кызматтар боюнча зарыл болгон бардык маалыматтарды издөө  жана алуу мүмкүнчүлүгү түзүлөт.