Кыргыз Республикасынын Премьер-министри Сооронбай Жээнбеков кол койгон буйрукка ылайык, Сарыбаев Русланбек Рыскулбекович Кыргыз Республикасынын Өкмөтүнө караштуу Мамлекеттик каттоо кызматынын төрагасынын орун басары кызматына дайындалды.
Бүгүн КР Өкмөт Аппаратынын Жетекчисинин орун басары Жылдызбек Исакулов Мамлекеттик каттоо кызматынын борбордук аппаратын КР Премьер-министринин МКК төрагасынын орун басары кызматына Р.Р.Сарыбаевди дайындоо жана К.С.Акишевди ээлеген кызматынан бошотуу тууралуу буйруктары менен тааныштырды.
Жылдызбек Исакулов жаңы дайындалган орун басардын ишине ийгилик жана ден соолук каалаарын билдирди.
Руслан Сарыбаев буга чейин МКК алдындагы Калкты жана жарандык абалдын актыларын каттоо департаментинин директорунун орун басары кызматында эмгектенип келген.
