2014-жылдын 1-январына карата Кыргызстанда  1974-жылкы үлгүдөгү паспорттору бар 11 миң 139 жаран аныкталган. Бул тууралуу Калкты жана жарандык абалдын актыларын каттоо департаментинин жарандык жана иммиграция маселелери боюнча бөлүмүнүн башчысы Назгүл Абакова билдирди.

Ушул жылдын 10 айында 1974-жылкы паспорттору бар 4 миң 689 жаран Кыргыз Республикасынын жаранынын паспортторун (ID-карт) алышты. 34 миң 205 жаранга ID-карт жоготкондугуна байланыштуу жаңы документ берилди.