Эпидемиологиялык кырдаал кескин начарлап кеткендигине байланыштуу, «Унаа» Мамлекеттик мекемесинин бөлүмдөрү 2020-жылдын 6-июлунан тартып карантинге жабылган.
Автоунаа каражаттарын каттоо боюнча мамлекеттик кызмат көрсөтүүнүн убактылуу токтотулушу жарандардын жана юридикалык жактардын автоунааларга ээлик кылуу жана пайдалануу укугу катталган ишеним каттардын мөөнөтүнүн аякташына алып келген.
Мажбурланган карантиндин убагында автоунааларга ээлик кылууга берилген ишеним каттын мөөнөтү бүткөн жарандар жана юридикалык жактар «Унаа» Мамлекеттик мекемесинин: Нарын, Сүлүктү бөлүмдөрүнөн, Кочкор, Жумгал секторлорунан, Бишкек ш. Чокана Валиханов 2. дарегинде жайгашкан Бишкек шаардык бөлүмүндө, ошондой эле Военно-Антоновка айылы, Рио-Авто унаа базарынын аймагында жайгашкан Бишкек шаардык бөлүмүнүн аймактар аралык секторунда 2020-жылдын 20-июлунда каттоо жүргүзө алышат. «Унаа» мамлекеттик мекемесинин жогоруда аталган бөлүмдөрү ушул жылдын 20-июлунан баштап ишин улантат.
Сокулук-Москва, Чүй-Кемин, Аламедин, Ысык-Ата, Балыкчы, Каракол, Талас аймактык бөлүмү жана Лебединовка айылы, Победа проспектиси. 121Б дарегиндеги айдоочулук курамды каттоо боюнча Бишкек шаардык бөлүмүндө COVID-19 таралышына каршы карантиндик иш-чаралар ушул жылдын 2-августуна чейин узартылды.
Мындан тышкары ушул жылдын 20-июлунан 2-августуна чейин Кызыл-Кыя шаары Масалиев көч. н / ж дарегиндеги Баткен аймактык бөлүмү жана Баткен шаары Раззаков 77 дарегиндеги Баткен аймактык бөлүмүнүн Баткен сектору карантинге жабылат.
Маанилүү маалымат!
Военно-Антоновка айылы, Рио-Авто унаа базарынын аймагында жайгашкан Бишкек шаардык бөлүмүнүн аймактар аралык секторунда иш тартиби убактылуу өзгөртүлдү. Эми сектор 08: 30-17: 30га чейин иштейт (түшкү тыныгуу 12:00 - 13:00), иш күндөрү - дүйшөмбүдөн жумага чейин.
Ыктыярдуу өтүнүч!
Коопсуздукту сактоо максатында жана имараттын ичинде жана бөлүмдөрдүн аймагында инфекциянын таралышына жол бербөө үчүн, сизге бир жарым метр аралыкты жана маска режимин сактоо сунушталат!
Ошол эле учурда, максималдуу коопсуздукту камсыз кылуу максатында, жарандарга мамлекеттик кызматтарды алуу үчүн имараттын ичине кезек менен чектелген сандагы жарандар киргизилет.
